Jada ‘2019 World Press Photo’ erakusketaz goza daiteke Gasteizen
Español Valencià Català Gallego Euskera English
Aktualitateko eta azken orduko berriak. Tokiko eta eskualdeko berriak <strong>Vitoria Gasteiz</strong>en Vitoria Gasteiz

Jada ‘2019 World Press Photo’ erakusketaz goza daiteke Gasteizen

Jada ‘2019 World Press Photo’ erakusketaz goza daiteke GasteizenPaco Valderrama, Anita Huynh y Paco Galve /Argazkia: vitoria-gasteiz.org 18/10/2019 13:16:00

Montehermoso kulturuneko ur-biltegi ohian ikusi ahalko da erakusketa azaroaren 17ra arte

World Press Photo, prentsa-argazkilaritzaren arloko nazioarteko lehiaketa ospetsuena, Gasteizen da berriro duela 17urtetik etengabe etorri den bezala Zenbakiek argi erakusten dute lehiaketak komunikazio grafikoko profesionalen artean sortzen duen interesa

Aurtengoan 129 herrialdetako 4.738 argazkilarik hartu du parte, eta guztira 78.801 irudi aurkeztu dituzte. Azkenik, epaimahaiak 157 argazki aukeratu ditu erakusketa osatzeko.

Gasteizko Udaleko Kultura zuzendari Paco Galvek, World Press Photo fundazioaren ordezkari Anita Huynh-ek eta World Press Photo-ren sustatzaile Gasteizen Paco Valderramak hartu dute parte erakusketa aurkezteko prentsaurrekoan.

Kultura zuzendariak adierazi duenez, “harrotzeko modukoa da Gasteiz izatea erakusketa iritsiko den 45 herrialdetako 100 hirietako bat,  besteak beste, munduko hiriburu nagusiak baitira horien artean. Iaz 14.000 pertsona baino gehiago hurbildu ziren zutabez osatutako paisaia honetara, bihotza hunkitzen edo haien edertasunaz zirrara sortzen zuten ikusizko istorioak ezagutzera.”

‘Yanelaren malkoak’
Lehiaketaren irabazle absolutua, 2019. urteko argazkia, ‘Yanelaren malkoak’ izenburua daramana da, John Moore argazkilari iparramerikarrarena (Getty Images agentzia).  Irudian Yanela txikia ageri da, negarrez, Texasko mugako poliziak Sandra ama miatzen duen bitartean. Biak Mexikotik zetozen, Bravo ibaia zeharkatuta. Argazkiak askotariko interpretazioak eragin ditu, elkarren artean bat ez datozenak.

Erakusketan askoz istorio gehiago aurki daitezke, batzuk globalak eta beste batzuk partikularragoak, baina garrantzitsuak denak. 23 herrialdetako 43 profesionalek egin dituzte aurtengo 140 irudiak; horietako 14 emakumeak dira (ehuneko 32).

Aurten erreportajeak sustatu dira bereziki, sari berria sortu baita: ‘Urteko argazki-istorioa’; Pieter ten Hooper holandarrak irabazi du saria, ‘Migratzaileen karabana’ lanarekin, zeinaren gaia Moore-ren argazkiarena bera baita.

2019ko World Press Photo erakusketa Montehermoso kulturuneko ur-biltegian ikusi ahalko da, urriaren 18tik azaroaren 17ra, 11:00etatik 14:00etara eta 17:00etatik 21:00etara, astelehenetik igandera (jaiegunak barne). Bisita gidatuak ere  eskainiko dira, euskaraz eta gaztelaniaz.

Lagundu:Eusko Jaurlaritza - Gobierno Vasco.  Kultura Saila
PORTALDETUCIUDAD.com Portal Sarea
Erabilera baldintzak - Pribatutasun politika - Cookieen politika