Hilaren 14an itzuliko dira ezinbestekoak ez diren udal-zerbitzuetako langileak
Español Valencià Català Gallego Euskera English
Aktualitateko eta azken orduko berriak. Tokiko eta eskualdeko berriak <strong>Vitoria Gasteiz</strong>en Vitoria Gasteiz

Hilaren 14an itzuliko dira ezinbestekoak ez diren udal-zerbitzuetako langileak

Lehentasuna osasuna izango delarik, eta langile guztien segurtasuna bermatuta

Hilaren 14an itzuliko dira ezinbestekoak ez diren udal-zerbitzuetako langileak larunbata, 2020(e)ko uztailaren 4a

Udal gobernua langileentzako formula berrien bila ari dela, behin Gobernu zentralak ezarritako pertsona guztien eta jarduera guztiaren konfinamenduko aldia amaitzen denerako.

Ezinbestekotzat jo ez ziren udal-zerbitzuetako langileak hilaren 14an itzuliko dira lanera; orain arte bezala, osasuna izango da lehentasuna, eta Udalean diharduten langile guztien segurtasuna bermatuko da. Gorka Urtaran alkateak iragarri du Udal gobernua langileentzako formula berrien bila ari dela, behin Gobernu zentralak ezarritako pertsona guztien eta jarduera guztiaren konfinamenduko aldia amaitzen denerako. “Zenbait neurri ezartzea pentsatzen ari gara, esaterako ordu-malgutasuna, telelana eta txandakako lana”, iragarri du Gorka Urtaranek.
 
COVID-19 pandemiak eragindako egoeraren inguruan, Gasteizko alkateak esan du birusa atzemateko munduko test-tasarik altuenetakoak ematen ari direla Gasteiz eta Araba. “Araban, Osakidetzak 5.653 proba egin ditu guztira. Biztanle -milioika, gure tasa ia 17.000koa litzateke, hots, Suitza eta Norvegiaren antzekoa”, azaldu du Gorka Urtaranek.
 
Gaur egun, Gasteizen 277 pertsona daude ospitalean, joan den astean baino dezentez gutxiago. “Gaur, joan den asteartean baino 92 pertsona gutxiago ditugu Osakidetzako ospitaletan; horrenbestez, osasun-sistemaren gaineko presioa txikiagoa da”. Era berean, alkateak iragarri du gaur probak egingo zaizkiela Adinekoei laguntzeko San Prudentzio zentro integralean bizi diren 134 pertsonei.
 
Gainera, jakinarazi du koronabirusaren inguruan alkatearen zazpigarren Dekretu bat prestatzen ari direla, bertan azken egunetan iragarri diren neurrietako batzuk jasoko direlarik: telefono bidezko jarraipena adinekoei, aholkularitza integrala denda, autonomo eta enpresei zuzendua, lokal bat uztea “maker” komunitateari, edo AMVISAren erabakia, ordaindu ez dutenei hornidura-ez moztearena.

Esker ona emateko kanpaina
Gorka Urtaran ek jakinarazi du, baita, gaur betan Udalak esker ona emateko kanpaina bat abiarazi duela, esker ona familiei, “modu eredugarrian ari direlako betetzen Gasteizen birusa ez zabaltzeko neurriak”, eta baita “egunotan etengabe lanean ari diren profesionalei, gu zaindu eta sendatzeko, hiria garbi egon dadin, gure hozkailua ondo hornituta, behar ditugun produktu eta zerbitzuak izan ditzagun… Eskerrik asko zuen dedikazio, ahalegin eta lanagatik. Eskerrik asko zuen zerbitzuagatik.”, azpimarratu du.

Kanpaina hiriko irrati-etxeetako ahozko mezuen, pentsa idatziko iragarkien eta beste komunikabide batzuetako banner eta atal digitalen bidez zabaltzen ari da.

Lagundu:Eusko Jaurlaritza - Gobierno Vasco.  Kultura Saila
PORTALDETUCIUDAD.com Portal Sarea
Erabilera baldintzak - Pribatutasun politika - Cookieen politika