Ertzaintzak eta udaltzaingoek berriz ere kontrolak egingo dituzte asteburuko joan-etorriak eragozteko
Español Valencià Català Gallego Euskera English
Aktualitateko eta azken orduko berriak. Tokiko eta eskualdeko berriak <strong>Vitoria Gasteiz</strong>en Vitoria Gasteiz

Ertzaintzak eta udaltzaingoek berriz ere kontrolak egingo dituzte asteburuko joan-etorriak eragozteko

Konfinamendua ohiko bizilekuan dela gogorarazi dute

Ertzaintzak eta udaltzaingoek berriz ere kontrolak egingo dituzte asteburuko joan-etorriak eragoztekoControl de la Ertzaintza /Argazkia: ertzaintza.eus 27/03/2020 23:50:58

Ertzaintzak eta udaltzaingoek berriz ere kontrol bereziak egingo dituzte, gaur hasita igandera arte, errepide eta garraio-geltokietan, asteburuan Euskadiko eta Euskaditik kanpoko bigarren etxebizitzetara joatea eragozteko.

Konfinamendu-neurriak ez betetzeak zigorra ekar dezake, Herritarren Segurtasunerako Legearen arabera, eta arau-hauste arinen kasuan isuna 600 eurora artekoa izango da eta kasu larrietan hortik gorakoa.

Prebentzio-kontrol horien bidez bermatu nahi da betetzen direla alarma-egoeraren ondorioz ezarritako mugimendu eta jarduera murrizketak. Une hauetan pertsonek, funtsean, lan-jarduerak edo premia bizikoak egiteko bakarrik zirkulatu dezakete bide publikoetatik. Debekatuta dago oporretako edo aisialdiko irteerak egitea. Konfinamendua ohiko etxebizitzan bete behar da.

Horretarako, Ertzaintzako eta udaltzaingoetako patruilek frogaketak egingo dituzte debeku horiek betetzen direla ziurtatzeko. Frogaketa horiek errepidean nahiz garraio kolektiboaren geltokietan egingo dira.   

Gogoratzen da, osasun publikoaren larrialdi eta alarma egoera hau betetzeko, Ertzaintzak errepideetako edo horietako zati batzuetako zirkulazioa eten ahal izango duela osasun publikoarekin, segurtasunarekin, trafikoaren arintasunarekin edo adierazitako arrazoiengatik ibilgailu jakinen zirkulazioa mugatzearekin zerikusia duten arrazoiak direla-eta. Bestalde, desplazamenduaren arrazoiak argitasun osoz eta egiaztatzeko moduan justifikatzeko azalpena eskatu ahal izango die gidariei.

 Jarduerari eta mugikortasunari buruzko Ertzaintzaren eta udaltzaingoen irizpideak atzo eguneratu ziren, eta, besteak beste, esteka hauetan kontsulta daitezke:
https://cutt.ly/ItQEYN7 ( euskera)

Lagundu:Eusko Jaurlaritza - Gobierno Vasco.  Kultura Saila
PORTALDETUCIUDAD.com Portal Sarea
Erabilera baldintzak - Pribatutasun politika - Cookieen politika