Bihar, urtarrilak 2, alerta laranja ezarri dute elurragatik
Español Valencià Català Gallego Euskera English
Aktualitateko eta azken orduko berriak. Tokiko eta eskualdeko berriak <strong>Vitoria Gasteiz</strong>en Vitoria Gasteiz

Bihar, urtarrilak 2, alerta laranja ezarri dute elurragatik

Bihar, urtarrilak 2, alerta laranja ezarri dute elurragatikAlerta de nieve /Argazkia: irekia ostirala, 2021(e)ko urtarrilaren 1a

Alerta 00:00etatik 24:00etara egongo da aktibo, eta elurra 200-400 metroan egin dezake. Elurraz gainera, txingor-zaparradak ere espero dira isurialde kantauriarrean.

Segurtasun Sailak alerta laranja aktibatu du elurragatik bihar larunbaterako, urtarrilaren 2rako, 00:00etatik 24:00etara. Aurreikuspenen arabera, elurra 200-400 metroan egin dezake, eta 1000 metroan 10-20 cm, 600 metroan 10-20 cm eta 200 metroan 0-10 cm pila daitezke. Bestalde, txingor-zaparradak ere espero dira isurialde kantauriarrean.

Euskalmet – Euskal Meteorologia Agentziaren arabera, larunbatean, urtarrilaren 2an, tenperatura maximoak 3-4 ºC ingurukoak izango dira barnealdean eta 6-8 ºC ingurukoak kostaldean. Bestalde, izotza egin dezake barnealdean eta mendialdeetan.

Bihar, urtarrilak 1, elur-maila 500-600 metroan kokatuko da, eta goizaldean tarteka jaitsi egin daiteke maila hori eta egunaren amaierarako 300-500 metro inguruan kokatuko da. Urteko lehenengo egunean 1000 metroan 10-25 cm pila daitezke, 600 metroan 5-10 cm eta 200 metroan 0 cm.

Bihar egunean zehar txingor-zaparradak ere bota ditzake isurialde kantauriarrean. Tenperaturei dagokienez, barnealdean ez dira 4-5 ºC-tik igoko eta kostaldean 8-10 ºC ingurukoak izango dira, barnealdean eta mendialdeetan izotza egin dezake.

Hurrengo egunetan ere giro hotzarekin jarraituko dugu, eta elurra egin dezake kota nahiko baxuetan. Isurialde kantauriarrean eta isurialdeen banalerroan prezipitazioak ugariagoak izango dira isurialde mediterraneoan baino.

Iragarpenen aurrean, Segurtasun Sailak aholkatzen du goialdeetan mendira ez joateko elur ugari metatuko dela espero denez.

Gomendioak

Iragarpen eguneratuak jarraitzea gomendatzen da Euskalmet www.euskalmet.euskadi.eus) eta Twitter (@Euskalmet) bidez, edo “Abisuak nahieran” zerbitzuan alta emanda. Larrialdietarako deitu 112 zenbakira.

Lagundu:Eusko Jaurlaritza - Gobierno Vasco.  Kultura Saila
PORTALDETUCIUDAD.com Portal Sarea
Erabilera baldintzak - Pribatutasun politika - Cookieen politika