Arabako Foru Ogasunean milioi bat eurotik gorako zorrak dituzten 38 zergadun
Español Valencià Català Gallego Euskera English
Aktualitateko eta azken orduko berriak. Tokiko eta eskualdeko berriak <strong>Vitoria Gasteiz</strong>en Vitoria Gasteiz

Arabako Foru Ogasunean milioi bat eurotik gorako zorrak dituzten 38 zergadun

Iruzurraren aurka Borrokatzeko Planaren barruko argitalpena

Arabako Foru Ogasunean milioi bat eurotik gorako zorrak dituzten 38 zergadun 30/06/2021 13:58:45

Foru Aldundiaren web horrialdean argitaratu dira 2020ko abenduaren 31n guztira 132 milioi euroko zorra edo zehapenak dituzten pertsona juridiko edo fisikoen izenak.

Arabako Foru Ogasunak gaur argitaratu du 2020ko abenduaren 31n milioi bat euro baino gehiagoko zerga zorrak edo zehapenak zituzten zergadunen zerrenda. Zerrenda horretan 38 zergadun agertzen dira, zeinek guztira 132.158.754 euroko zenbatekoa baitute ordaintzeke Arabako erakundean, eta hala ikus daiteke Aldundiaren www.araba.eus web orrian edo https://labur.eus/ICth3 estekan.

Ekimen hau Iruzurraren aurkako Planaren parte da, eta Arabako Ogasunak bosgarrenez eman ditu jakitera berarekin zor handiak dituzten zordunen izenak. Aurreko argitalpena iazko urrian egin zen, eta ez dago berrikuntza handirik zerrendako zordun kopuruan eta zorraren zenbatekoan. Azpimarratzekoa da zerrendatik bi zordun atera direla eta beste bi sartu direla; beraz, zerrenda horretako zordunen kopurua urrian argitaratutakoaren berdina da. Zor gehienak porrot egin duten edo hartzekodunen konkurtsoan dauden enpresei badagozkie ere, % 24k jardunean jarraitzen dute.

Horren haritik, Ogasun, Finantza eta Aurrekontuen diputatu Itziar Gonzalo de Zuazok azaldu duenez, "Iruzurraren aurkako borrokak lehentasuna izaten jarraitzen du Gobernu honentzat, zordun bakoitzak Ogasunarekin eta, beraz, arabarrekin duen zorra berreskuratzeko bide guztiak agortzearen aldeko apustua egiten jarraitzen baitu".

Hiru partikular eta 35 enpresa

Zehazki, gaur goizean argitaratutako zerrendan zordunak pertsona fisikoak badira (hiru daude zerrendan), haien izen-abizenak eta NAN zenbakia ematen dira identifikatzeko. Denen artean 9,6 milioi euroko zorra dute Arabako Ogasunarekin.

Pertsona juridikoei eta entitateei dagokienez, sozietatearen izen osoa eta identifikazio fiskaleko zenbakia argitaratzen dira. Gaur ezagutzera eman den zerrendan guztira 35 pertsona juridiko jaso dira, eta guztira 122,5 milioi euroko zenbatekoa dute ordaintzeke. Juridikoki posible izan den kasuetan, Dirubilketa Zerbitzuak pertsona fisikoak jo ditu zorren ordainketaren erantzule solidariotzat.

Lagundu:Eusko Jaurlaritza - Gobierno Vasco.  Kultura Saila
PORTALDETUCIUDAD.com Portal Sarea
Erabilera baldintzak - Pribatutasun politika - Cookieen politika