• Club Deportivo San Ignacio
  • Zadorra Etxea, Turismo rural, Turismo natural
  • Montehermoso Jauregia
Search Keyword
Search in:
Publizitatea

Gema Intxausti. Jendetzaren erdian, atxiloketari begira

GEMA INTXAUSTI. JENDETZAREN ERDIAN, ATXILOKETARI BEGIRA

Lekua: Artium Arte Garaikidearen Euskal Zentro-Museoa. A1 aretoan
Data: 8 otsaila - 20 iraila
PREZIOA: .

GEMA INTXAUSTI. JENDETZAREN ERDIAN, ATXILOKETARI BEGIRA
 
Marrazkia, argazkia eta testua oinarri hartuta artistak azken 20 urteetan egindako lanak ditu ardatz erakusketak. Gure Artea saria dagoeneko hirutan jasoa duen artista honen formatu handiko lehen erakusketa da.

Gema Intxaustiren (Gernika-Lumo, 1966) ekoizpena, laurogeita hamarreko hamarkadan Euskal Herrian gertatu zen eskulturaren hizkuntzen berrikuntzarekin lotuta dago bere lehen etapan, eta eskultura-sail horiek etxeko giroari lotutako materialekin eginak daude.

Hamarkada horren amaieran piztu zitzaion Intxaustiri testuen, marrazkien eta argazkien erabileraren inguruko interesa, eta, horren ondorioz, Erresuma Batura joan zen zinema- eta bideo-ikasketak egitera. Garai horretakoak dira Bilboko eta Londresko leku publikoetako fotomatoiak erabiliz egindako lanak. Mugimendurako eta denborarako muga zorrotzak zehazten dituen teknologia hori erabiltzeak irudi kopuru mugatu baten bidez eraikitako narrazioak sortzen ditu, non ohikoak baitira zinemaren eta artearen historiei egindako keinuak. Ildo horretatik, maiz aurkitzen dira haren obretan behin eta berriz agertzen diren aipuak eta eskurapenak, jatorrizko materialen zentzu narratiboa testu eta irudiaren interpretazio posibleak aldatu eta biderkatzen diren espazioetara eramaten dutenak, hizkuntza ororen izaera politikoa agerian utziz. Eragiketa iradokitzaileak, non zatiketa, errepikatzea edo omisioa funtsezko estrategiak baitira piezak eraikitzeko.

Etxeko materialekin —zapiak, zelo-papera…— egindako lehen eskultura-lanetatik oin-puntetan bezala igarotzen da erakusketa honek azken 20 urteetan egindako piezak ditu ardatz, marrazkian, argazkigintzan eta testuan oinarrituta. Zinemaren eragin handia dute piezek. UPV/EHUko Arte Ederren Fakultatean eskultore gisa trebatua, Gema Intxausti «zinemaren azken belaunaldikoa» da, 80ko hamarkadakoa, «zazpigarren artea» zinekluben, zineforumen, telebistan espezializatutako programazioen eta aldizkari eta liburu ugariren bidez asko zabaltzen zen testuinguru batekoa. Hainbat hamarkadatan autore-zinema, zinema esperimentala, klasikoa eta haien teorizazioak ezagutu ondoren, lan eta jakintza horiek unibertsitate-geletan ere eskura ditzakeen belaunaldikoa. Gainera, belaunaldi horrek harreman estua ezartzen du zinemaren eta arte garaikidearen artean. Diskurtso-ekoizpena egituratzeko tresna baten bila, Gema Intxaustik zinema-gidoi ikasketak egin zituen azkenean, urte batzuk geroago, Londresen bizi zenean, museo eta arte-erakundeetako aretoetako zaintzaile-lanetan ari zen bitartean. Urte horietan, bere hitzetan, egunak «beste batzuek nola begiratzen duten begira» pasatuko ditu.

Erakusketa honen izena, Jendetzaren erdian, atxiloketari begira, Unframed Jane (2015-2019) erakusketan ikusgai dagoen artelanetako bat osatzen duten marrazki sailetik dator. Bertan, Alfred Hitchcock-ek bere filmetan egindako agerpenen zerrenda egin ondoren, testu bihurtzen ditu zinemagilearen saioak, eta testu hori paperean bi hizkuntzatan marrazten du, ingelesez eta gaztelaniaz, eta bi koloretan, gorriz eta beltzez.

Izenburuaren esaldiak Hitchcock-en agerpena deskribatzen du The Lodger: A Story of the London Fog (1927) filmean. Emakumeak hiltzen dituen serieko hiltzaile bati buruzko istorio hori, Jack erraiateratzailean oinarritua, El enemigo de las rubias gisa itzuli zen gaztelaniaz. Izenburu profetikoa, zinemagilearen karrera zinematografikoa eta bizitza kontuan hartzen baditugu, Laura Mulvey-ren Visual Pleasure and Narrative Cinema (1975) testu ezagunaren argitan, non haren filmen misoginia sadikoa aztertzen baita.

Intxaustiren metodoari jarraituz, filmaren zati bat zerrenda bateko testu bihurtzen da, marrazki bat, eta, ondoren, erakusketaren izenburua. Intxaustiren metodoari jarraituz, filmaren zati bat zerrenda bateko testu bihurtzen da, marrazki bat, eta, ondoren, erakusketaren izenburua. Han, artistaren izena aditzera ematera iristen da, eta, agian, artejarduera definitzera eta zinemagilearen voyeurismoa aipatzera.

Otsailaren 12an, asteazkenez, Intxaustik Artistak gurean izeneko saioetako batean hartuko du parte, Artium Museoan, erakusketaz eta bere lanaz hitz egiteko.
Lagundu:
PORTALDETUCIUDAD.com Portal Sarea
® Eskubide guztiak erreserbatuta - aisia, merkataritza, turismoa eta zerbitzuak zure hirian Gida.
1024px eta IE 7.0 eta Mozilla 3.0 gutxieneko bereizmena edo altuagoa optimizatua.